State Angh-i Sushant dang pelaba lemsatep

Kohima, Rongjui/September 05 (TYO): Nagaland Angh, PB Acharya-i state nüburterm tenüng nung actor, Sushant Singh Rajput-i Nagaland nung tzünglu maneni aruba ajanga anentsüh aser tzümetsüng agi kongshirtem nem tenla agütsüba atema pa dang pelaba lemsatepogo, ta PRO to Governor sangdong ka ajanga ametetdaktsü.
Film actor, Sushant dangi züluba tepela shidi nungji Angh-i, Nagaland Chief Minister’s Relief Fund atem,a sen crore 1.25 tenla agutsübaji tajungshiba tulu, aser iba ama mapang ka nng Nagaland yaritsü atema nüburtemia iba tataishitsü tajung agitsü imlar, ta shia lir.
Timtem agi kongshirtem takum asentenshitsü atema asen linük nungi teyarinertem dang nungi onoki teyari nüngdaker, ta Angh-isa ashi.