State Angh-i Tuluni salem lemsatep

Kohima, Chiteni/July 07 (TYO): Nagaland Angh, PB Acharya-i Sumi nunger den Tuluni benjung salem lemsatep, ta tanü PRO to Governor sangdong ka nung metetdaktsü.
“Tuluni benjung ya tetezü tulu keta lir aser iba abenjung nung Sumi nungeri tsüngsang, ken, chiyungtsü chia benjungtepba den tsüngremi temoatsütem atema tenüngsang agutsüba benjung lir,” ta Angh-i ashi.
Angh-isa ajak dang mapang agias Tsüngremi temoatsütem aser masadangtet temeim atema Tsüngrem nem tenüngsang agutsüdi, ta ayongzük.
Angh-isa Tuluni benjung ya yimjungm terenlok aser azükaru atema peisasa asüngsashitsü mapang ka lir; iba benjung ya longjemdaktsüba benjung ka südaktsütsüla aser jila aser yimtsüngtem nung yimjung kua state nung lenla ajaka nung terenlok akatsü atema ajak longjemer inyaktsüla, ta ashi.
“Tuluni benjung ya ajanga Naga nunger, talisa Sumi nunger nem tesünep, telongjem aser azükaru bener arujang ta sarasademtsür,” ta Angh-isa lemsatep.