State Angh-i Vice Chancellor tem ajuru

Kohima, Aami/June 14 (TYO): Aami/June 14, 2018 nü Raj Bhavan Kohima nung Nagaland Angh, PB Acharya-i University balala nungi Vice Chancellors aser tanga organisations nungi ketdangsertem den senden ka menogo, ta tanü PRO to Governor-i sangdong ka ajanga metetdaktsü.
Senden nung jembidang Angh, Acharya-i, India Tiri Anghtem dang State Universities nung VC tem den mapang shia senden ayonga amentsü aser Universitty tem nem University Social Responsibility (USR) inyakdaktsütsü atema ajungshia liasü, ta metetdaktsü.
Paisa Universities aser University den affiliate süa aliba college kaketshirtemi mapang shia yimtsüngtem semdangtsüla aser yimtsüngtem nung merükmeju tia, azüng zülu shia metetba aser immunisation jenjang reprangdangtsüla, iba denji külemi Central aser State Flagship Programmes tem nungi tajangzük angurtem jangjatsüla, ta ashi.
Angh-isa, tawa Anghtem senden nung India Tiri, University temi admission application aser certificate distribution densema inyakyim ajak digitize asütsü merangtsüla ta shiogo, ta metetdaktsü.
Acharya-isa Rajya Sainik Board, Red Cross Society, BS&G aser NEZCC densema tentet balala dang loktiliba tashi taitba akümtsü atema lenmang bushitsü ayongzük.
Kasa senden nung Aami/June 21, 2018 nü State function dak alia Raj Bhavan nung World Yoga Day 2018 ayongzüka amongtsü aser iba sentong nung University kaketshirtem, Rajya Sainik Board, Red Cross Society, BS&G aser NEZCC-i shilem agitsü atema jembia liasü.
Anghisa Mahatma Gandhi sor küm 150 ajungba anogomong nung Central aser State sorkartem indang welfare project balala onük nung quiz tetoktepba sentong ka ayongzüka akatsü atema benoka liasü.