Dimapur, July 30 (TYO): Naknyulüm benjungmung nung state Angh, P.B.Acharya-i, “Naknyulüm benjungmung mapang Nagaland nung Chang adianutem aser aianutsürtem dangi ni salem osang abener. Naknyu benjung ya tongtibang temaitsü ka lir, kechiyong iba benjung ajanga tammang madak tesangwa agi takok anguba sayur. Ni nüburtem dang lokti nung tamajungtem indoker iba benjungmung ya sobaliba yimjung, telongjem aser tesünep nung amungtsü ayongzüker,” ta lemsatep.
“Iba benjungmung ajanga asenoki linük telongjem atema inyaktsü aser asen lokti tajemdakdak tashi aittsü atema ajungshidakjangta sarasademtsür,” ta paisa ashi.
You must be logged in to post a comment Login