State BJP-i Dr M. Chuba Ao CEC convener shim

Dimapur, September 13 (TYO) : September 9, 2016 nü Nagaland State BJP Unit president, Visasolie Lhoungu-i Party Clean election committee convener inyaktsü atema Dr. M.Chuba Ao shimogo, ta General Secretary(Adm.) BJP Nagaland, Eduzu Theluo-i sangdong ka nung metetdaktsü.
2018 küm assembly election agitsü aliba dak rangloker Dr. M.Chuba Ao iba mapa atema shim aser ano luden nung senior party züngsem kar shimoktsü atema pa nem tashi agütsür, ta Eduzu Theluo-isa ashi.
Party Clean election committee-i arogo lennirtem dena Nagaland nung telok balala den ajuruteptsü aser clean election dak sendakba onüktem lemsateptsü. Anungji, nisung ajaki Dr. M.Chuba Ao aser züngsemtem den yariteptsü mepishir, ta BJP Nagaland sangdong nungsa metetdaktsü.