State BJP Orientation Training tesem melenshir

Dimapur, November 03 (TYO): State BJP Nagaland-i züngsem ajak dang November 4, 2017 nü ayongzüka aliba Orientation Training programme akatsü tesemji Hotel Saramati conference hall, Dimapur masü, saka Tourist Lodge Conference hall, Dimapur nung akatsü aser sentongji anepdang 10:30 ako nungi tenzüktsü ta metetdaktsüogo.
Iba senden nung State Office ketdangpur ajak, party otongdartem, Core group züngsemtem, BJP MLA tem, Morcha Tir aser tongti tezülur ajak dang iba senden nung medema adentsü mepishia metetdaktsür, ta Media Cell BJP Nagaland-i sangdong ka nung metetdaktsü.