State-i Civil Services Day April 21 nü amungtsü

Dimapur, April 19 (TYO): Personnel & Administrative Reforms Dept.-i sangdong ka ajanga, linük den liromedema state sorkari Civil Services Day April 21, 2017 nü ATI, Kohima nung ayongzüka amungtsü, ta ketdangsertemi metetdaktsü.
Iba sentong tetenzük nung tongti tesemdangerji Nagaland Chief Minister, Dr. Shurhozelie Liezietsu autsü.
Iba sentong nungsa Nagaland Chief Secretary, Pankaj Kumar, IAS-i okila jembitsü aser Addl. Chief Secretary & Development Commissioner, R.B. Thong, IAS-i lokti pelaa agizüktsü.
Iba anogo anepdang tetenzük sentong ka akatsü iba sülen nikongdang Technical Session akatsü aser iba mapang nung tongtibang department temi osang agütsütsü.