State level Ethnography & Visual Documentation workshop agi

Ethnography and Visual documentation nung state level workshop ka Department of Anthropology, Kohima Science College, Jotsoma ajanga ayongzüka December 3 nungi 5, 2020 nü agiba noksa nung angur. (DIPR)

Dimapur, Luchii/December 09 (TYO): ‘Techniques of Visual Imagery’ omen nung ajemdaker anogo asem Ethnography and Visual documentation nung state level workshop ka Department of Anthropology, Kohima Science College, Jotsoma ajanga ayongzüka December 3 nungi 5, 2020 anogotem nung agia liasü. Iba workshop ya Rajiv Gandhi National Institute of Youth Development (RGNIYD), Sriperumbudur, Tamil Nadu ajanga sponsor asüba liasü.
Ethnography subject nung lanurtem nem sempet balala agütsütsü aser visual documentation dak sendakba nung technical yimyatem sayutsü nungdak ta ajiteta iba workshop ya ayongzüka liasü.
Sobaliba senmang ya meimchiri takok anguba yimya balala ajanga sayuba lir aser sobaliba senmang ya maneni tesamaleni aor asünung, documentation yagi sobaliba indang tetetzü agütsür, angatetdaktsür aser jenjang meteter. Tanü-asüng photographic technology aruba sülen anthropological documentation atema visual method amshiba ya kanga tongtipang kumogo.
Visual anthropology nung noksa tangokba, mangaokba, menüngogoba mesüra züluokba densema lir.
Anogo asem State Level Workshop ya December 3, 2020 nü sentong tatsüka agia tenzük, kong Convener aser Department of Anthropology, Kohima Science College, Jotsoma indang HoD, Moasangla Jamir menden liasü. Kohima Science College (Autonomous), Jotsoma indang principal, Dr. Lily Sema-i tarur pela agizükba o jembi aser Dr. I. Anungla Aier (Rtd) Director, Higher Education ajanga tongti o jembia liasü.
Photography, motion picture, sketches aser art amshia nübur libaliru tangokba nung Ethnography tashiji lir, ta Dr. Aier-i ashi.
Tanü asüng lokti tebilemtsü dangi shisatsü tajungba nung agütsütsü aser asangsang nung solution bener arutsütsü asoshi ethnography aser visual documentation ya kanga junga amshitsüla, ta lai ashi.
Prof. Sibnath Deb, Director (RGNIYD), Ministry of Youth Affairs & Sports, Government of India ajanga Sriperumbudur, Tamil Nadu nungi iba sentong tenzükja jembia liasü.
Department of Anthropology ajanga workshop indang omen tajung yangluba atema pai tenüngsang agütsü aser Ministry of Youth Affairs and Sports, Government of India ajanga anogo asem State Level Workshop sponsor asüba atema pelaba lemsatepa liasü.
Iba workshop nung shisalen sayur ya Kivini Shohe (filmmaker), Sophy Lasuh Kesiezie (filmmaker), Kekhriezhazo Miachieo (freelance photographer aser part time filmmaker) aser Thejanguzo Titus Pienyü (freelance filmmaker &storyteller) nungertem liasü, shirnok visual imagery tsütsü takotet nübutem lir.
Visual documentation tsütsü technical mapatem nung tali temolung agüja workshop ya agi, kong shisalen sayurtemi documentaries, visual ethnography, photography aser cinematography indang jembia liasü.
Iba workshop nung college aser university balala aser freelancer ajak senteper nisung 62 tashi dena liasü aser anogo asem workshop ya RGNIYD, Sriperumbudur, Tamil Nadu nungi live monitor süa liasü.
Workshop tatembang anogo nung telok balala lemsar project tem agütsübatem technical session tatembangba nung sayua liasü. Iba workshop tembanga sentong ka Kevilhuninuo Nagi, Associate Professor, Department of Anthropology menden sür agia liasü.
Iba sentong nung Tamil Nadu nungi Dr.Vasanthi Rajendran, Professor Training, RGNIYD ajanga jembi aser Dr. David Tetso, Assistant Professor, Dept. of Anthropology ajanga tepela ankep o jembia liasü.