State nung EAC office yangluba osang

Kohima, Rongjui/September 20 (TYO): Tatartem senden nung MLA, Yitachu-i tang state nung EAC office teyangludak dak sendakba osang, office renemtsü atema nüngdakba sen aser EAC office shia atema 2018-19 küm atema lemzüktsüba senotsü asüngdangba langzüdang Chief Minister aser House leader, Neiphiu Rio-i, tang state nung EAC office 8 yangludar, ta metetdaktsü.
EAC office yangluba dak sendakba nungsa pai, Englan nung EAC office atema sen lakh 7.00, Chetheba (22.31 lakh), Phor (9.46 lakh), Lephory (63.25 lakh) Aghunaqua/Nihokhu (20.00 lakh), Yachem (37.00 lakh), Hoshepu (25.00 lakh) aser Alongkima nung sen lakh 80.00, aser ibaji 2018-19 atema lemzüktsüba lir; ano tang teyangludak EAC office- Hoshepu nung sen lakh 25 aser Alongkima nung sen 80.00 asutsü, ta metetdaktsü.
State nung EAC office tem yangluba dak sendakba nung MLA, Yitachu-isa, kechiba 8 nungi ana dang shimtet, ta asüngdang, aser ibaji langzüa Chief Minister aser House Leader, Neiphiu Rio-i ibaji senotsü dak sendakba timtem ajanga lir, ta ashi.