State nung nisung tasen 94 dak COVID-19 putet

Kohima, Luchii/December 10 (TYO): Brehostibarnü Nagaland nung nisung tasen 94 dak COVID-19 tashidak puteta state nung tang tashinung iba tashidak agi meneper ajak agi nisung 11,602 alitsü, ta state health ketdangser temi ashi.
“Tanüng state nung nisung 94 dak #COVID-19 jangjatet. Kohima nung 67, Dimapur nung 22, Kiphire nung asem, Wokha aser Peren nung kaka. Ano nisung 18 taneptsü nguogo. Kohima nung 11 aser Dimapur nung 7,” ta Health Minister S Pangnyu Phom-i tweet asü.
State nung tang active cases 663 aser taneptsü ngur alir nisung 10,746 alitsü, ta Dr. Denis Hangsing-i anogoshi sangdongba COVID-19 bulletin nung ashi.
Nagaland nung coronavirus nungi taneptsü anguba shilem 92.62 nung lir, koba Bodhbarnü shilem 93.22 liasü, ta pai ashi.
Dimapur nung COVID-19 agi menepa alir asüba nisung 71 jungogo, aser item rongnung nisung 61 iba tashidak menaba sülen asü, nisung 7 dak danga tashidaka keta liasü aser nisung asem asüba tang bushisüngdangba mapang lir, ta pai ashi.
Ajak senteper COVID-19 agi shiranger nisung 122 tashi danga state-i ogo, ta Dr. Denis-i metetdaktsü.
District shia COVID-19 tashidak jangjatetba yamai alitsü: Dimapur nung 6,309, Kohima nung 3,576, Mon nung 600, Peren nung 481, Tuensang nung 238, Zunheboto nung 142, Mokokchung nung 123, Phek nung 44, Wokha nung 39, Kiphire nung 32 aser Longleng nung 18.
Item rongnung armed forces personnel 4,618, tsüngsü pua aoba nungi jangjatetba 4,616, danga state nungi meyipa shilanger 1,812 aser frontline worker 556 alitsü.
Tang active cases ya Kohima nung 385, Dimapur nung 185, Tuensang nung 42, Mon nung 24, Peren nung 9, Wokha nung 7, Kiphire nung 7, Mokokchung nung ana aser Zunheboto nung ana alitsü.
Tang COVID-19 active alirtem rongnung nisung 35 dak iba tashidak agi timtem agütsüba terara ajiteter, ka kanga sashia kangshia oxygen inoker lir aser trok ICU nung lir. Ajak senteper nisung 612 dak iba tashidak agi temang nung timtem agütsüba mali, ta ketdangseri ashi.
Taneptsü angurtem ya Dimapur nungi 6,007, Kohima nungi 3,149, Mon nungi 565, Peren nungi 472, Tuensang nungi 195, Zunheboto nungi 137, Mokokchung nungi 116, Phek nungi 44, Wokha nungi 28, Kiphire nungi 24 aser Longleng nungi 9 alitsü.
Tang tashinung COVID-19 alitsü südi ta temolung melemteti aliba sample 1,16,033 tashi Nagaland nung RT-PCR ajanga 70,754, TrueNat ajanga 36,237 aser Rapid Antigen Test ajanga 9,042 tendangogo, ta Dr. Hangsing-isa ashi.