State sorkari ketdangsertemi meshimi atatsüla: Akhil Gogoi

Guwahati, August 23 (Agencies): State sorkari Combined Competitive Examination (CCE), 2013 nung takok angur candidate tem mapa nung shimtsü asoshi mera agiba anema Honibar nü Krishak Mukti Sangram Samiti (KMSS) aser Gana Mukti Sangram, Asom, (GMSA)-i ola adokogo.
KMSS aser GMSA nati, iba ken o Gauhati high court nung benoka aliba mapang ka nung state sorkari candidate tem meshimtsüla, ta ashi.
“Iba ken o ya court nung benoka aliba mapang ka nung aser Assam Public Service Commission-i ketdangsüa civil service tatidang ketdangsüa agiba inyakyim anema ola adokba mapang ka nung iba tenüng tarensen nungi ketdangsertem shimsü asoshi sorkari telemtetba magitsüla ser nung agiogo. Court nungi tetuyuba ka magütsü tashi parnoki (sorkari) iba tenüng tarensen nungi ketdangser kata meshimtsüla,” ta KMSS adviser Akhil Gogoi-i ashi.