State sorkari Wildlife Crime Control Unit tentetogo

Kohima, October 08 (TYO): Nagaland sorkari Forest Department kübok Wildlife Crime Control Unit ka tentetogo aser iba tentet nung züngsemtemji- CWLW Mendenbuba, Conservator of Forests, Wildlife & Biodiversity Dimapur Member Secretary, Wildlife Warden, Kiphire Member aser Wildlife Warden, Dimapur Member lir, ta ketdangser sangdong ka ajanga metetdaktsü.
Iba Unit-i CWLW, Administrative kübok inyaktsü aser parnok nem tashi agüja alibatemji- arem shirruru dak sentakba nung temzüng alema inyakba osang bendentsü, aremshiruru dak sentakba nung temzüng alema inyakba data bendentsü, arem shiruru dak sentakba alema inyakba nokdangtsü, wazüka ayutsü aser ken otem acha ayangtsü, item onük dak sentakba nung India sorkar Ministry of Environment, Forests & climate Change, Wildlife Crime Control Bureau atema Nodal Point ama inyaktsü, state nung item ozüng benoktsü atema inter-agency amaliteptsü aser shiruru dak sentakba nung temzüng alema inyakba aser iba dak sentakba ozüngtem nung sorkar nem shisalen tuyutsü densema lir, ta kasa sangdong ajanga ashi.

You must be logged in to post a comment Login