State temi totzü nung VAT saru ajemtsüla: Dharmendra Pradhan

New Delhi, October 04 (Agencies): Union Petroleum Minister, Dharmendra Pradhan-i, state temi totzü nung VAT shilem 5 ajemra ibaji ajanga nüburtem kanga anisüngzüktsü, ta ashi.
“Totzü alirtem anisüngzüktsü atema Centre-i inyakba ama state temia khuret agia inyaktsü onoki mepishir,” ta Pradhan-i ashi.
Paisa, Union finance minister-i state ajak dang shidi ajanga totzü nung VAT saru ajemtsü atema mepishitsü, ta metetdaktsü.
Yashi petrol litre ka nung sen 2.5 aser diesel litre ka nung sen 2.25 ajema liasü.
Tang Delhi nung petrol litre ka nung sen 68.38, aser diesel litre ka nung sen 56.89 kümogo, ta Indian Oil Corp (IOC) ajanga metetdaktsü.
Tesüiba ita asem tashi totzü nung sen maneni atuba sülen yashi sorkari petrol aser diesel naprong nung excise duty sen anana ajema liasü.
Osang angazükba agi, tamasabo finance ministry-i totzü nung sen ajemtsüji memelungi liasü, ajisüaka totzü nung jenjang kanga atuba anema linük tesem aika nung nüburtemi longkak aitba nung ajemdaker o lemtepba sülen petroleum ministry-i totzü nung sen ajemtsü atema telemtetba agia liasü.
Iba telemtetba ajanga tan financial year nung sorkar senpong nungi sen crore 13,000 takoksa angutsü.