State tenet nung tzünglu ajanga nisung 774 süogo: Centre

New Delhi, Luroi/August 13 (Agencies): Taküm tzüngluruwa tenzüker tanü tashi nung state tenet nung tzünglu aser tzümetsüng dak sendakba lendong balala nung nisung 774 süogo, ta tanü Home Ministry-i metetdaktsü.
Home Ministry kübok National Emergency Response Centre (NERC)-i ashiba agi, Kerala nung tang tashi nung nisung 187 süogo; Uttar Pradesh nung 171, West Bengal nung nisung 170, Maharashtra nung nisung 139, Gujarat nung nisung 52, Assam nung nisung 45 aser Nagaland nung nisung 8 süogo.
Iba dak alia Kerala nung nisung 27 aser West Bengal nung nisung pongu sama; iba dak alia state balala nung tzünglu dak sendakba lendong nung nisung 245 yiruogo.
Maharashtra nung tzünglu agi district 26 kongshi, Assam nung district 23, West Bengal nung 22, Kerala nung 14, Uttar Pradesh nung 12, Nagaland nung 11 aser Gujarat nung district 10 kongshia liasü.
Assam nung nisung lakh 11.45-i timtem ajuru aser ali hectare 27,552 nung aonsotsü takoksa ngua liasü.
Assam nung kümzükba maparen inyaktsü atema National Disaster Response Force (NDRF) team 15 yok; yamaji Uttar Pradesh nung NDRF team 8, West Bengal nung team 8, Gujarat nung team 5, Kerala aser Maharashtra na nung team pezüzü aser Nagaland-i team ka yoka liasü, ta NERC-i metetdaktsü.
MeT department-isa Uttar Pradesh, Himachal Pradesh, Uttarakhand, Kerala, Karnataka, Tamil Nadu, West Bengal, Assam, Nagaland aser Arunachal Pradesh densema state 16 nung ano tekümdangtsü osang metetdaktsüogo.