State tesem ajaklen 70buba Republic Day among

Dimapur, January 26 (TYO): Tanü India linük den külemi Nagaland nunga tesem ajaklen 70buba Republic Day anogomong mongogo, ta ketdangsertem osang ajanga metetdaktsü.
Wokha: Wokha jila nunga local ground nung Republic Day among aser sentong nung tongti tejaokerji Health & Family Welfare Minister, S. Pangnyu Phom liasü, ta ketdangsertem osang ajanga metetdaktsü.
Iba sentong nung jembidang Minister-i, Naga yimtenren ken o tejembidak nung state sorkaria state terenlok atema inyaker, ta ashi.
Paisa, state nung tensa kanga sünepa lir, iba denji külemi ozüng benokba tashi itshitsü aser sensotem nem security agutsütsü atema police aser administration-i mera tajung aika agia inyakogo, ta metetdaktsü.
Iba sentong nung parade contingents pezü- DEF, 7th NAP, Civil Defense & Home Guards, Ex-Servicemen aser 28 Assam Rifles Pipe band-i March past nung shilem agia liasü.
Mon: Tanü Mon nunga R-Day sentong nung tongti tejaoker Soil & Water Conservation, Geology & Mining Minister, V. Kashiho Sangtam-i linük wako ajungket.
Iba sentong nung jembidang Minister-i, 1963 küm Indian Union kübok Nagaland state tentetba mapang nungi terenlok aser linük yangerba nung asenok maneni longjemer inyaker, ta ashi.
Paisa, asenok putiotsü, sobaliba aser maitsü kümzüktsü atema Arrla 371 (A) kübok ozüngtem lir; iba maongka ajanga Nagaland nung alirtem temeden kümzükba dang masü saka Nagaland nung alirtem aintsü aser renloktsü atema maongka agutsür, ta ashi.
Sentong nung 6th NAP BN, DEF Mon, Women Police DEF Mon, Village Guard, Ex-Servicemen aser Band Party 6th NAP BN-i March past nung shilem agi.
Longleng: Tanü Longleng nunga Republic Day sentong among aser tetushi tejaokerji PWD Minister, Tongpang Ozukum liasü. Iba sentong nung Minister-i linük wako salatsü aser contingents pezü dang nungi salem agizük. Sentong nungsa DBs aser GBs tsüngda arr atsütep, Volleyball exhibition match asaya aser minister-i stalls balala semdanga liasü.
Zunheboto: Tanü Zunheboto district nunga public ground nung R-Day among aser tongti tejaoakerji Deputy Chief Minister, Y. Patton liasü.
Sentong nung contingents pezü- DEF Zunheboto, 8 NAP, Home Guards aser Ex- servicemen-i parade nung shilem agi. Iba anogomong nüngtem nung ADC XI aser Ward Chairman/ GB’s XI na tsüngda football exhibition match ka asaya.
Tuli: Tanü Tuli jila nunga R-Day sentong mongogo, aser iba sentong nung tetushi tejaokerji Advisor Youth Resources & Sports, Er. Zale Neikha liasü. Advisor-i linük wako salatsü aser parade contingents nungi salem agizükba sülen R-Day osang zünga metetdaktsü.
Changtongya: Tanü SDO (Civil) office complex, Changtongya Town nunga R-Day among aser tetushi tejaokerji Moakumzuk Tzudir, SDO (Civil) liasü. Pai linük wako salatsü aser Republic Day onük jembia liasü.
Tuensang: Tanü Tuensang nunga Planning & Coordination, Land Revenue Minister, Neiba Kronu tetushi tejaoker ser R-Day sentong mongogo. Sentong nung contingents troki parade nung shilem agi aser District Commendation awards lemja liasü.
Sentong nungsa Chang Cultural troupe, Khiamniungan cultural troupe, Sangtam cultural troupe, Yimchunger Cultural troupe aser Heri cultural troupe-i sobaliba shilem balala agia liasü. Tetushi tejaokerisa departmental stalls semdanga ao.
Phek: Phek nunga tetushi tekaokerji PHED Minister, Jacob Zhimomi ser iba sentong mongogo.
Pai linük wako salatsü aser parade contingents- 22nd AR Phek, DEF Phek, 5th NAP, Home Guard aser Pipe piper band, 22nd AR Phek dang nungi salem agizük.
Peren: Peren nunga Republic Day sentong agiogo aser tetushi tejaokerji Agriculture and Co-operation Minister, G. Kaito Aye liasü.
Kiphire: Tanü Kiphire nunga tetushi tejaoker Higher & Technical Education Minister, Temjen Imna Along onük zünga metetdaktsü.
Yamaji tanü Noklak, Bhandari, Chozuba, Longkhim, Jalukie, Tizit, Pfutsero, Tseminyu, Niuland, Chiephobozou, Thonoknyu, Aboi, Chen, Tening, Wakching, Jakhama, Meluri, Pughoboto, Ralan, Wozhuro, Aghunato, Atoizu, Naginimora, Tobu aser Seyochung nunga ketdangsertem jaoka Republic Day mongogo.