State tesem ajaklen National Lok Adalat kaogo

Dimapur, July 08 (TYO): Honibarnü District Legal Services Authorities-i ayongzüka state tesem ajaklen District Headquarters nung National Lok Adalat (people’s Court) kaogo, aser item ken o timbaka bank dak sendakba ken otem, u/s 138 NI Act aser Recovery suits kenotem liasü, ta Nagaland State Legal Services Authority, Kohima Lok Adalat Nodal Officer-i sangdong ka nung metetdaktsü.
Ken o ajak agi 219 benoka liasü, aser iba nungjagi ken o 132 bentetogo.
Ken o 132 ji sen 2,56,78,784 (crore ana, lakh semertrok, meyirirjang neterti, noklang tenet ser sen tirpezü) indang liasü.
Lok Adalat ya tekaratiba nung ochi obendang agütsütsü aser District & Sessions Courts nung ken o aika bendena aliba khu pungbatsü atema Legal services institution-i ketdangsüa agir.
Ken otemji peipei District Court Buildings aser tapet tesemtem nung agia liasü. Principal District & Sessions Judges, Chief Judicial Magistrates aser Civil Judges tem Presiding Officers shim aser Panel Lawyers, Retainer Lawyers, Legal Aid Counsels, Police, Bank ketdangsertem aser Para Legal Volunteers-i conciliators ama parnok yarisema liasü.
Lok Adalat nung kodang ken o ka bentetdir joko temepishiba agütsütsü makok. Telok anapronglai ken o latettsü atema jembir aser idangyongjisa ken o tembanga jembir.
Lok Adalat inyakyim ajanga sen aika meindoker aser Lok Adalat nungbo court fees magütsür.
National Lok Adalat ya linük tesem ajaklen ita ana shia khen akar aser ibaji peipei State Legal Services Authorities-i achaayanga agir.