State tesem ajunga nung World Environment Day mungogo

Dimapur, Aami 05 (TYO): Alima ajunga den külemi Mon district nunga Aami/June 5, 2018 nü World Environment Day mungogo. Mon nung iba sentong ya Konyak Students Union aser District Legal Service Authority Mon longjemer “Beat Plastic Pollution” omen nung ajemdaker amung.
Iba sentong nung Mon jila nung aliba school aser college balala nung azünger kaketshirtem arua aden aser sentong temer kaketshirtem nem süngdong tila (sapling) atemtsü lema agütsü. Mon jila nung atemtsü asoshi süngdong tila meyirijang ana tashi Forest Department, Mon ajanga agütsü.
Kiphire nunga kasa anogo World Environment day nüngtem nung Kiphire jila nungi kaketshirtem yimdong süa nüburtem nem alima tzü mopung wazüka ayutsü atema tesayuba agüja jaja aser social work agia liasü.
Phek Forest Division-ia Royal Foundation School, Phek town nung World Environment Day mungogo. Iba sentong ya Forest Department Phek Division, 22 Assam Rifle, DEF Phek, Chakhesang Students Union, Phek Town Youth Society aser Phek Town nung private school tem longjemer agi.
Iba sentong nung DFO, Phek, Velatso Demo, 22 Assam Rifle, Phek nungi Colonel R. K. Vikram commandant, SP, Phek, Dr. N.M. Mansury aser kaketshir lennir aser lanurtem nungia tayongzükba o jembia liasü.
Iba sentong tempangba sülen Royal Foundation School Compound temeket nung süngdong atem.
Wokha nunga 28 Assam Rifles aser Libemo Memorial School indang Aesthetic & Eco Club longjemer “Plastic Pollution! Kick the Habit” onem nung ajemdaker World Environment Day mungogo.
Peren district nunga District Administration Peren aser Department of Rural Development, Peren den külemi Bridge Team One, Peren Students Union aser Peren Town Youth Organization longjemer World Environment Day munga Peren jila nung aliba ward tuko nung pine süngdong tema liasü.
Kasa sentong ya Additional Deputy Commissioner, Bhandari nunga Aami/June 05, 2018 nü District Administration, Department of EF & CC, Merapani range ajanga ayongzüka amung. Word Environment Day nüngtem nung ADC, Tiameren Chang-i anir Longayim yimtsüng nung aliba Forest Department indang ali nung süngdong tema liasü.
Jalukie, Tening aser Changtongya nunga World Environment Day takok ngua mungogo, kong kinük balala nungi nüburtemi shilem agia süngdong tema liasü.