State tesem ajungalen Lok Sabha bye election sünepa agiogo

Monupii/May 28, 2018 nü Nagaland nung Lok Sabha Bye election agiba anogo nung Person with disability (PWD) kati Kohima kübok Thizama nung vote agutsütsü atema aruba noksa nung angur.

Kohima, Monupii/May 28 (TYO): Tanü Nagaland nung Lok Sabha bye election state tesem ajungalen mepetmesü madoki kanga sünepa agiogo, ta ketdangsertem osang ka ajanga metetdaktsü.
Peren: Monupii 28, 2018 nü Nagaland Parliamentary Constituency atema Lok Sabha Bye election agitsü ECI-i sangdongba ama state tesem ajunga den külemi Peren nunga iba election kanga sünea agiogo, ta kedangsertemi metetdaktsü.
Tseminyu: Tseminyu Sub-Division nung Lok Sabha Bye Elections polling stateion 44 prongla nung kanga sünepa agiogo. Sector Magistrates tenet den Tseminyu Sub-Div. atema Zonal Magistrate, ADC Tseminyu, Theodore Yanthan nunger ketdangsüba nung election tiptema agiogo.
Kiphire: Kiphire district kübok Shishimi nung machine technical timtem kar adoka Kyehe yimdak EVM &VVPAT melenba aser New Longmatra nunga VVPAT melenba dak alaka Lok Sabha bye-elections sünepa agiogo, ta ketdangsertemi metetdaktsü.
Wokha: Wokha RO & DC, Dr. Manazir Jeelani Samoon, IAS den SP Wokha, Bharat Markad, IPS nati eletion timi tiptema agitettsü atema Wokha jila area kübok polling stations ajak semdanga liasü, aser yamaji district nung Lok Sabha bye election tiptema agiogo. District nung polling personnel 1242 nem polling station 207 nung mapa lemzüktsü aser iba election atema gari 383 amshia liasü. Tanü district nung aliba polling station ana nungbo matamabensartem polling officials shima inyakdaktsü.
Mon: Mon district nung Lok Sabha bye election polling station 235 prongla nung tiptema agiogo, Nikongdang 3:00 ako tashi nung vote agütsütsüpur shilem 76-i vote agütsü.
Phek aser Zunheboto: Phek aser Zunheboto nunga Lok Sabha bye election kanga sünepa agiogo.