Steel & Aluminium atema China-i US den jembiner

Geneva, Rongchii 10 (Agencies) : China nungeri yangluba steel aser aluminium osettem nung US-i shilem kar alangzüka agitsü renemba (tariffs) dak sendakba nung kechi mangatettep ali, iba indangji World Trade Organization matsüngdang United States den angatettepa jembiner, ta Beijing-i mepishia metetdaktsüba olen ka tanü Sangtennü WTO ajanga sangdongogo.
WTO atema China nungi shimteta aliba züngsem kati steel aser aluminum amshia yangluba oset kar nung Washington den shisalemsatepner ta mepishia metetdaktsü; ibaji April 5 nü tezüluba nung agütsüogo, ta WTO-isa ashi.
Bendang linüktem nungi alizükba steel aser aluminum osettem nung saru teimba mesenzüktsü atema taoba Metsüremi (March ita) nung US Tir, Donald Trump-i telemtetba agi; ibaji tongtibangsa China nunger tesashiba araka ayutsü nükjidong nung renem ta angazüker.
China-i ashiba agi, par dang nungi alizükba steel aser aluminium agi yangluba osettem nung noklang shilem nungi 25 & 10 (respectively) agibaji ‘international trade rules’ nung latetja aliba dang nungi teimba lir.
WTO’s Dispute Settlement Body ket nung US den angatetteptsü atema mepishia benokbaji tang ya mezüngbuba ser Washington aser Beijing na tsüngda shishilembabaren tsütsü atsüteper asütsü.