Steve Coogan, John C. Reilly nati Laurel aser Hardy shilem agitsü

January 18, 2016: British actor Steve Coogan-i John C. Reilly den nüngtugu asayamenur ana- Laurel aser Hardy na taküm otsü film nung shilem agitsü. Coogan-i Stan Laurel shilem agitsü aser Reilly-i Oliver Hardy indang shilem agitsü.
Film otsüji Jeff Pope-i zülu aser film ji Jon S. Baird-i direct asütsü.
‘Stan & Ollie’ film ji 1953 küm Laurel aser Hardey nati UK variety halls semdangba nung ajemdaker yanglu, aser film ji alima film otsü nung temenünütsü aketba nisung ana nem akhüm agütsüba lir, ta Hollywood Reporter osang ajanga ashi. Iba ya BBC Films-i adoker aser Fable Pictures aser Sonesta Films-i produce asütsü.
Otsü zülusang Jeff Pope-i, “Stan Laurel aser Oliver Hardy naji kü ‘hero tem’ lir,” ta ashi.
Iba project ya 2014 küm mezüng sangdongba mapang director Baird-i The Scotsman dang, “Iba ya nisung ana tsüngda meimtepba otsü lir, tenati tena ka mesüra ka melibo melitettsü ta meteta akum. Iba ya atangji otsü tajung ka,” ta shia liasü.