Steven Gerrard Academy Coach atema Liverpool-i meyipba arutsü

London, January 21 (Agencies): Liverpool nung taoba captain Steven Gerrard academy coach asütsü meyipba arutsü, ta Hokolbarnü club-i metetdaktsü.
Gerrard-i küm 17 nung Liverpool atema 710 ben asaya. Pai iba mapa February nungi tenzüka inyaktsü.
“Liverpool nung inyaktsüba ya tanaben longa arur tenzükshir ama bilemer,” ta küm 36 tain asayar yagi club website nung ashi.
“Iba telemtetba ya menungraba agi masü, saka Liverpool asoshi langka tajung inyaktsü tebilemba nung ajemdaker agi,” ta pai shisem
LA Galaxy nung tanaben arua masayatsü ta ashiba sülen hopta ka lir yaküm November nung pa football asaya nungi anentsü osang agütsü.
Pa Liverpool-i meyipba arutsü imla liasü. Liverpool nung arua lanurtem anitettsübaji pa sapurtem ajaki kanga pelashishia agizüktsü.
Gerrard club indang Kirkby complex nung academy acha ayangsang Alex Inglethorpe kübok inyaktsü.
Liverpool nungi asayadang pai goal 186 agütsü, FA Cup ana akok, League cup asem aser Champions League nungsa takok angu. Pa England nungi 114 ben asaya aser iba nung 40 ben captain ama shilem agi.