Steven Tyler melentsü ta jembibaji tiyazü: Aerosmith

Los Angeles, May 21, 2016 : America nunger rock kentener telok Aerosmith-i, parnoki par telok nung ken atensang Steven Tyler melentsü sentong lir ta jembibaji tiyazü osang lir, ta metetdaktsüogo.
Arishi küm 68 tain, Steven Tyler melentsü bilemer ta olulu jembiba ya par telok nung guitar atemer Brad Whitfordbook-i tenzükba lir.
Iba oluluji tiyazü aser onoki Tyler melentsü tebilemba mali, ta Aerosmith sangdong ka ajanga metetdaktsüba Aceshowbiz osang ajanga ashi.
“Onok kentener ka bushir ta asüba osangji khenyong tiyazü lir. Tan ang ozü pongu prongla phone nung jembiogo aser iba mapang onoki South America aser Mexico City nung kenten sentong akatsü atema kanga jangraseta jembiogo,” ta telok nung lead guitar atemer Joe Perry-i ashi.
Panok telok ya September ita nung Latin America tesem sema ken tena jajatsü sentong lir.
Tyler-i pa jirula kensep ‘Love is Your Name’ adokba ajanga külem telok nungi Brad Whitfordbook tera mepelai liasü.