STH-i dignity package agütsü

Dimapur, Aami/June 17 (TYO): Sumi Totimi Hoho-i June 17 nü Cultural Hall, quarantine centre nung munga aliba tetsür ajak nem dignity packages agütsüogo. Iba talep nung sanitary pads, soap, toilet paper aser laishiba kaka densema liasü aser ano iba den local süngjanglijang takong aser sü shi pickle agüja liasü.
STH tir Kheholi Assumi-i o tatsüka jembiba mapang parnok ajungshiba den Sumi tetsütem ajaki parnok anema liyonga aotsü imlaja ataba lemsatep. Laisa, iba sempet tila ya pei tetsü nungi agizükba ama agitsü ashi, kong “onoki nenok atema aria bilemer aser meimer, kümzüka liang,” ta osang tatsüka zülutsür liasü.