‘Student of the Year’ film tarensen ano yanglutsü:Karan Johar

Mumbai, March 5, 2016 : 2012 küm yangluba “Student of the year” film dak sentakba tarensen yanglutsü ta film yanglur Karan Johar-i osang tejangja agütsüogo.
“Student of the year” dak sentakba tarensen yanglutsü meyanglutsüji pa dang Twitter nung ‘fan’ kati Honibarnü asüngdanga liasü.
Pai, “Hao yanglutsü! Iba osang tejangja ita ana nung metetdaktsütsü,” ta langzüa alisü.
“Student of the Year” ya romantic comedy film ka lir aser iba film ya Dharma Productions aser Shah Rukh Khan, meyong Red Chillies Entertainment kübok Hiroo Yash Johar-i produce asü.
Iba film ya 2012 nung saya aser ya actor Sidharth Malhotra, Alia Bhatt aser Varun Dhawan nungeri mezüngsüa shilem agiba film lir.
Kasa film nung actor Rishi Kapoor, Sana Saeed, Ronit Roy, Ram Kapoor aser Farida Jalal nungeria shilem agia lir.

You must be logged in to post a comment Login