Subhash Ghai-i Rahman takok angutsü ashir

Mumbai, March 12, 2016 : Film tajung “Karz”, “Ram Lakhan”, “Khalnayak” aser “Pardes” amala yanglur Subhash Ghai-i anaben tashi Oscar Award angur A.R. Rahman tan mezüngsüa musical film ka produce asütsü ta angashia pa den takok angutsü asoshi ajungmeso o kar lemsatepogo.
Rahman ya ken mejemer aser kentener mongin ka lir, aser pai tan mezüngsüa “99 Songs” film zülua produce asütsü sentong lir.
Ghai-i, “Nai tan mezüngsüa film zülua produce asütsü ta angashia kanga pelar aser takok angutsü meranga inaykang. Ibai mera tuluka lir. Tsüngremi na moajang,” ta twitter ajanga lemsatepogo.
“Taal”, “Pardes”, “Ram Lakhan” mesüra “Yuvvraaj” film tem nung Ghai-i music tajungtiba dangsa amshia aru.
“99 Songs” film ya Vishwesh Krishnamoorthy-i direct asür aser 2017 küm sayatsü sentong lir.