Subroto Cup: Manipur-i goal 27-0 agi Karnataka akok

Dimapur, September 24 (Agencies): Manipur nung tentetba Chanambam Thambou Higher Secondary School tetsür teloki goal 27-0 agi Karnataka nung tentetba Phoenix Residential Public School tsür madak takok ngua tang tasayadak 56 buba Subroto Cup football asayamong nung tanü Brehostibar nü shilem agiogo.
Tanü asaya nung Ranjita Devi, Yumnam Laxmi Devi, Ph Sanathopti Devi aser E Debala Devi nungeri goal ka ka aser Kashminia-i goal 8 agütsü aser tanüngba goal 14-ji par telok captain-i agüja liasü.
Ano külen, Neichutuo-i goal 5 agütsüba densema Nagaland kübok Dimapur nung tentetba school tsür telokia goal 13-0 agi Gujarat nung tentetba PR Joshi Vidyalay Sariyad (Patan) telok madak takok anguba osang jangjaogo.