Subroto Cup: NE school 4 quarterfinal tongogo

New Delhi, October 05 (Agencies): India kübok Northeast nung tentetba school 4 tashi tang tasayadak 56 buba Junior Boys Under-17 Subroto Cup football asayamong quarterfinal nung shilem agitsü jenjang yashi Deobar nü nguogo.
Manipur kübok Wangbal nung tentetba Little Angels Paradise School, Assam kübok Guwahati nung tentetba Betkuchi High School aser Megahalaya kübok Nongstoin nung tentetba Mawsura RC Uper Primary School asayartemi Megahalaya kübok Shilliong nung tentetba Army Boys Sports Company telok sülen anidaka tan asayamong quarterfinal-i aiba osang jangjaogo.
Tanü anisüngzükba sülen Army Boys teloki Little Angels den aser Betkuchi High teloki Mawsura RC Upper Primary School den asüng, Mongolbar nü quarterfinal asayatsü lemzüka lir.

You must be logged in to post a comment Login