Sudan Tir, Omar-i S Sudan arrtsü lapoktsüogo

Khartoum, January 28 (Agencies): Sudan Tir, Omar al-Bashir-i South Sudan arrtsü lapoktsütsü ozüng ka tanü Brehostibar nü agütsüogo.

Sudan linük nungi jakzüka S Sudan linük tasen küma 2011 küm tentetba sülen Sudan-i tan mezüngsüa par arrtsü lapoktsür lir.

Tan arrtsü tanaben lapoktsütsü maparen tenzükba ajanga 2011 küm nungi tenzüka tesendaktep kanga mejungi aruba Sudan aser S Sudan linük na tsüngda tawa tesendaktep tajungba akümba kuli angur.

Totzü tutetdak timba densemba lushi S South-i agia lir saka par linüki pipeline ajanga Sudan nem totzü agütsütsü nangzüktepa lir.

Ano külen, 2013 nung S Sudan nung nübur o nübur na tsüngda mangatettep adoka tongpang kanga sashai raraba ajanga S Sudan nübur meyirijang aikati arrtsü adena Sudan nung jenoktsüsa akümba osanga jangjaogo.