Suez Canal ulushia yanglushiogo

August 7, 2015 nü Egypt-i Suez Canal ulushia yanglushiba Egypt Tir, Abdel Fattah al-Sisi-i Port City, Ismailiya (canal tzüküm) tesem nung lapoktsüogo.
Iba mapatong ya 2014 August ita nungi tenzük aser ibaji Ballah tesem nungi 61 metres aliba 312 metres ulushia yanglushiogo. Iba mapatong dangji ‘New Suez Canal’ ta ajar.
Egypt nungeri iba Suez Canal ulushia yanglubaji ano rong talila senzütettsüsa aser shishilembaba nung tali renlokdaktsütsü nükjidong yanglu.
Iba mapa ya parnoki küm ka tashi nung renem aser idakji sen US 8 billion dollars intoka yanglu. Joko taoba dang nungi ronga tuluba-a jajatsü melatsü aser shishilembaba nungia linük tajangzük talila angutsü ta metetdaktsü.
Iba mapatong takok anguba ajanga 2023 küm tashi nungjibo Suez Canal nung ya rong 49 dang senzütetya aliba nungi joko 97 tashi senzütettsüsa yanglutetogo.
Suez Canal ta ajaba ya Egypt linük nung tzü lenmang tatsüba küm nisungi tudanga amshiba lenmang ka lir. Iba tzü lenmang ya Mediterranean tzüyim nungi Isthmus of Suez ajanga Temerem tzüyim tashi tudanga lir. Tamalen iba lenmang ya yanglur küm ter shi lir-ang 1869 küm lapok.