Suicide Squad sequel nung Margot shilem magitsü

Tsüklai/February 14 (Agencies): Taruba ‘Suicide Squad’ sequel koba James Gunn lenisüba kübok yanglutsü lir, iba project atema Margot Robbie-i la indang character- Harley Quinn shilem magitsü akok ta osangtem ajanga metetdaktsü.
Arishi küm 28 tain Margot shibai la indang DC Extended Universe spin-off movie ‘Birds of Prey’ nung shilem agitsü ternemba lir lai taruba film atema Warner Bros. aser DC Comics nung shilem magitsü kechiyong arishi küm 52 tain James-i sequel atema cast tasentem anioktsü aser iba denji külemi mezüng movie dang nungi yimya balaka nung yanglutsü, ta Forbes ajanga metetdakja liasü.
James, shibai taoba mapang twitter nung mekümdangi jembiba ken o nung aija Disney-i ‘Guardians of the Galaxy Vol. 3’ nungi meindoka liasü, pai iba film ya yimya balaka nung yanglutsü asalentong yangludar aser kasa mapang film nüngja ‘The Suicide Squad’ agütsüba sangdongogo, koba ajanga film ya tatongtep masü saka tanaben yanglushiba film ka asütsü ama imlar.
‘Wolf of Wall Street’ nung tongti shilem agila Margot-i ‘Birds of Prey (And the Fantabulous Emancipation of Harley Quinn)’ tangokba maparen April nung tembangtsü.
Tetsür superhero temi tongti shilem agiba DC Comics film ya DCEU nung movie tanga dang nungi khenyongi balaka asütsü imlar.