Sultan Cup: Australia-i goal 5-1 agi India akok

Ipoh, April 07 (Agencies): World champions, Australia teloki goal 5-1 agi India telok madak takok ngua tang tasayadak 25 buba Sultan Azlan Shah Cup hockey asayamong nung tanü, Brehostibar nü shilem agiogo.
Blake Govers, Jacob Whetton, Eddie Okkenden, Simon Orchard aser Matt Gohdes nungeri asaya tenzüker minute 5, 13, 20, 25 aser 53 buba nung par Australia telok asoshi goal kaka agüja par telok nem takok ngudaktsü.
Rupinder Pal Singh-ia asaya tenzüker minute 8 buba nung goal ka agütsüba yong par India teloki tanü asaya tazüngla nung metembangtsüsa jenjang bener arutsü.
Tanü asayaji taoba mapang Sultan Azlan Shah Cup takok marok 8 ben tashi agizüker, Australia-i tan asayamong nung mezüngbuba round robin league asaya nung shilem agir lir.
Yashi, Bodbar nü goal 2-1 agi Japan madak takok angur, India teloki Canada telok den par tasembuba asaya tan Deobar nü asayatsü lemzükogo.