Sultan Cup: India-i goal 2-1 agi Japan akok

Ipoh, April 06 (Agencies): Asian Games champions, India teloki goal 2-1 agi Japan madak takok ngua 25 buba Sultan Azlan Shah Cup hockey asayamong tetenzükba anogo nung tanü, Bodbar nü shilem agiogo.
Tanü asaya tenzüker minute 17 buba nung Kenji Kitazato-i goal 1 agüja par Japan telok temaba jenjang nung ajungkettsü.
Ajisüaka, Harmanpreet Singh-i minute 24 buba nung goal ka agüja par telok anaprongla kasa jenjang kümdaktsüba sülen captain Sardar Singh-i minute 32 buba nung tanabuba aser takokba goal agüja par India nem takok ngudaktsü.
India teloki World champions, Australia telok den asüng, Brehostibar nü asayatsü lemzükogo.
Ano külen, Pakistan telokia goal 3-1 agi Canada telok madak takok ngua liasü.