‘Sultan’ film reprangdang Harshaali Malhotra ajep

SultanNew Delhi, July 10 (Agencies): Salman Khan aser Anushka Sharma nati tongti shilem agiba film ‘Sultan’ July 6 nü sayaogo, aser iba anogo nungi tenzüka iba film ajanga box office nung sen jenti aazükdar.
2016 küm film sayaba mezüng anogo nung sen timtiba aazükba film ji tang tashi nungbo iba film lir aser kobi melii Rs 200-crore club nung adentsü.
Salman Khan den külemi ‘Bajrangi Bhaijaan’ film nung tetsür chanu shilem agila, Harshaali Malhotra-ia ‘Sultan’ film reprangba sülen Salman nem tenüngsang agütsüogo.
Osangbenertem den jembidang Harshaali tetsü, Kajal-i, “Salman-i film nung shilem balala agiba ajakji Harshaali-i meimer,” ta ashi.
“Lai iba film meimer aser lai züktepba scene tema reprangogo, ajisüaka lai item scene tsübua liasü. Salman dak azükba scene arudang lai kü dang la kidangi anir oang, kechiyong Salman dak azükbaji lai mereprangner ta ashi. Züktepba sülen Salman Khan azü ayimba ngua la ajep,”  ta tetsüi ashi.
Harshaali dang masü saka Aamir Khan-a ‘Sultan’ film reprangdang jepogo.

You must be logged in to post a comment Login