Sumi Community Purana Bazaar ‘B’-i aitsür

Dimapur, May 14 (TYO): May 13, 2017 nü Purana Bazaar ‘B’ nung 32 Assam Rifles-i Sumi Baptist Church, Purana Bazaar ‘B’ Pastor aser NSCN (IM)steering committee züngsem, kilonser Toivi Aye’er kitem mita aoba kukua aitsür, ta Sumi Community Purana Bazaar ‘B’ (SCPB ‘B’)-i sangdong ka nung metetdaktsü.
Friends of the Hill People ta ajartemi Honibarnep 3:00 ako nung ki ana mita ao aser iba mapang tanurtem aser kinungertem kanga tsübudaktsü, ta sangdong nungsa shia lir.
Tenaprong ya Purana Bazaar ‘B’ nung senso lir aser India sorkar o NSCN (IM) tsüngda ceasefire liaka, para military force temi iba ama mapa inyakba ya nüji shisatsü alirtem ajaki aitsütsüla ta SCPB ‘B’ Chairman Mughato Aye aser Secretary P. Hekuto Wotsa nati sangdong nung ashi.
32 AR sepaitemi sannüker ki dena mita reprang aser ki anaprong nung taitsü aketba kulikakettem kecha monguaka, parnoki Toivi Aye par kidang nungi pur anir ao. Anungji, onoki 32 AR-i inyakba mapa kukua aitsür, ta SCPB ‘B’ mendenpurtemisa metetdaktsü.