Sumi Totimi Hoho-i NMA toktsür

Dimapur, February 09 (TYO): February 5 nü osangkakettem nung adokba, Sumi Hoho (SH)-i Naga Mothers’ Association (NMA) nungi atsüngtsü atema tuyuba nung ajemdaker February 9 nü Sumi Totimi Hoho (STH) rongdak senden ka menogo, ta tanü STH Tir, Kitoli Naje aser STH Joint Secretary, Kanili T nati sangdong ka ajanga metetdaktsü.
Iba onük nung mapang talangka o lemtepa liasü, aser STH ya Sumi nunger tongti tentet, SH shilem ka asünung, STH-i iba tetuyuba akhümtsübua tashi angatsü lemtet aser tang nungi tenzüka NMA toktsütsü lemtetogo, ta kasa sangdong ajangasa metetdaktsü.