Sunanda asüba ya alima yimya nung asüba masü: Delhi Police

New Delhi, January 15 (Agencies): Hokolbarnü AIIMS-i asür Sunanda Pushkar indang samples osang agütsüba sülen ghonda ishika tsüngda Delhi Police Commissioner BS Bassi-i, la asüba ya alima yimya nung asüba masü, ta metetdaktsü.

Ajisüaka Bassi-i Sunanda asüba bushisüngdangba indang osang tejangjabo mashi.

Bassi-i, “Iba osang (AIIMS report) ya talangka. Kaket tapak 11 nung zülua lir aser tatembanglen tapak 32 tashi nung zülua lir. Onoki iba osang reprangshidagi. Onoki iba osang reprangshiba sülen maneni bushisüngdangtsü,” ta ashi.

Bassi-isa, Sunanda indang FBI laboratory report ajanga radioactive substance aliba indangbo shia mali saka chemical element kar aliba indang shia lir, ta ashi.

AIIMS-i Delhi Police nem agütsüba report dak sentakba nung Bassi-i, “Iba osang nung (la) asübaji alima yimya ama asüba masü ta shia lir,” ta ashi.

Ano AIIMS indang telung osang kar ajanga ashiba agibo Sunanda ya miim ajanga südaktsü.