Süngjang Luyim Society Akhoya-i süngjanglijang aser aonsotsü jenti züsenteter

Mokokchung, Aenjeti/January 15 (TYO): Süngjang Luyim Society Akhoya, Mokokchung District (Regd. No. Home/SRC-6721)-i 10.12.11 nungi tenzüka Hatsünglu farm nung süngjang tapu balala aika tsünüteta maneni kanga meranga inyak arudagi, ta Chairman, Süngjang Luyim Society Akhoya, Mokokchung, S. Onen aser Secretary, N. Takola nati sangdong ka ajanga metetdaktsü.
Iba dak alaka 2019 küm S. Onen (Chairman) aser N. Takola (Secretary) nati anir alu tasen ka chia ayimba ajanga süngjanglijang aser aonsotsü tapu balala aika tsünütetogo; züngi, menti, mersü, mapu, jubi, lasüng, süngmok, luli, manü aser alishi densema chiyongtsü balala asen peria agir kiyonger aser yimer dang ayokba nungi sen 55,000 yokzüka liasü, ta kasa sangdong nung shia lir.
“Asen lushi nung ali aser tzü-mopung tajung mesamadaktsüi aser tangar dang malizüki asen sasa inyakteta agitsü atema yimer aser nübur ajak dang ayongzüker,” ta kasa sangdong ajanga metetdaktsü.