Süngkotenem Angling festival 2015 tenzükogo

Dimapur, August 29 (TYO) : Nisungtemi kanga yongya ataba Süngkotenem Angling festival 2015 tanü nungi tenzükogo.
Iba benjung ya Mokokchung District Fishery Officer, Imtisunep-i lapoktsü aser anogo piyong angling competition aliba nung Opangrenba-i ango tulutiba apuba sempet angu.
Tanü tetoktepba nungsa Yarshilu-i tanabuba jenjang takok angu aser mezüng sempet angur nem sen 10,000 aser tanabuba nem sen 5,000 senpettem agütsü. Tenaprongla ya Chuchuyimpang nunger lir aser tanü tetoktepba nung nisung ajak agi parnok 58 liasü.
Hombar nungi maneni September 5, 2015 tashi ango mesüba benjung amungtsü aser anogoshia ‘biggest catch award’ alitsü, ta benjung ayonger Mopungchuket Community Tourism Society-i metetdaktsü.