Süngkotenem awatsüng nung ango mesüba benjong akar

Mopungchuket, August 12 (TYO): Kümshia agiba Süngkotenem Angling Festival 2017 August 12 nü Mopungchuket yimdak Süngkotenem Awatsüng nung tenzükogo; Iba sentong ya Mopungchuket Community Tourism Society (MCTS)-i ayongzüka akar.
Tanü iba sentong nung Er. Atoba Imchen, Executive Engineer, PWD (R&B) Mokokchung tongti tesemdanger ka ama arua pai tenzüktsüogo. Iba benjong nüngtem nung tanü ango mesü tetoktepba ka agiogo aser iba sentong nung ango mesür, Anglers 79-i shilem agia liasü.
Iba tetoktepba nung Tajungyangeri ango seret 0.47 mesüteta pa tematiba jenjang nung liasü aser pa den atongbaji Tsüwanungsang liasü aser pai seret 0.36 mesütet. Takoker nem senpet den certificate agütsü.
Iba benjong ya August 14 nungi 19, August 25-26 aser September 1-2, 2017 tashi alitsü. Item anogotem nungji anogoshia shibai ango tulutiba mesüteter nem senpet agütsütsü. Ango mesüba mapangji anepdang 5:00 ako nungi tenzüktsü.