Süngkotenem beat contest ‘live auditions round’ atema band 17 shimogo

Dimapur, December 6 (TYO) : Ajaki yongyaseta ataba Süngkotenem ‘Clash of the Bands 2016’ beat contest dak sentakba maparen ajak tenzükogo. Iba beat contest tesüsabubaji December 29 nü Mopungchuket yimdak Süngkotenem Park nung akatsü.
Nagaland tesem balala nungi band 17-i Dec 29 anepdang 9:00 ako nungi tenzüka ‘Live Auditions round’ nung shilem agitsü shimogo. Item band rongnung tesüsabuba round atema tajungtiba 7 (top 7) shimtsü aser iba finale sentongji kasa anogo, kasa tesem nung aonung 5:00 ako nungi tenzüktsü.
Iba contest dak sentakba nung “Live Auditions Round” shilem agitsü atema band 27-i pei band indang ‘demo track’ agütsüba nung ajemdaker band 17-ji shimtetba lir.
Mezüngbo tayongeri Live Auditions Round atemaji band 12 dang shimtsü nükjidong liasü, saka liso kentener aser musician-tem ajungkettsütsü nükla nung taküm band pungu (5) talila shimlok.
Iba Live Auditions Round nungji band 17 nem pei sempet sayutsü atema minute terpungu-ngu (15 minutes each) mapang melatsü aser yang nungjagi tedendangertemi tesüsabuba round atema tajungtiba tenetji shimtettsü sentong lir.
Iba beat contest ya tanga mapang dang nungi khenyongi balaka asütsü aser ibai nüburtemi teti menungraa bilemtettsü asoshi ayongzüktsü tayongertem nükjidong lir.
Iba contest nung takoker nem senpet tajung renema agütsütsü teyongertem tejangraba lir. Iba sentong ya Mopungchuket Ait Laishir Telungjem-i Süngkotenem benjong den repsema ayongerba lir.
Süngkotenem Clash of the Bands 2016 “Live Auditions round” atema shimba band-tem yangi agütsür:
1. Casement Windows
2. The Chronicles
3. Pollution Solution Retribution
4. Funk Fuzz
5. Mingle Tones
6. Enliven
7. The Great Decade
8. Unique Experiment
9. Mundane
10. Tune Up Channel
11. Onus
12. Number 1 Zero
13. Flamboyant Souls
14. Dynamic Cardioid
15. Poor Chicken Dreams
16. Radio City
17. Brainstorm Island