Süngratsü yimdak ATMA-i an metsühba tesayuba agütsü

Süngratsü (Mokokchung), June 26 (TYO): June 26, 2017 nü ATMA, Kobulong Block Mokokchung-i Mokokchung district kübok Süngratsü yimdak small scale backyard poultry management indang tesayuba agütsü.
Iba sentong nung shisalen sayurji ATMA, Kobulong Block Mokokchung nungi BTT Convenor, Dr. Aoyimsen Jamir liasü.
Shisalen sayuri an ki yangluba aser an metsühba den külemi an anema alitsü atema merükmeju koda tongtibang, item tesayuba agütsü.
Tesayurisa an/ozü nem tzü/ chiyungtsü agütsüba auso temerük amshitsü, tzü/chiyungtsü temerük agutsütsü metetdaktsüba den külemi an nem mozü agütsüba tasatem sayua liasü.
Kasa sentong nung an metsürtem nem Department of AH & Veterinary Services-i agütsüba Amixin, Cocciguard, Vitamins aser mineral mixtures mozütem angati agüja liasü.
Iba sentong nung an metsür parnok 10 aten.