Sunny Deol-i tebu aser jabaso den külemi shilem agitsü jangrar

January 22, 2016 : Actor aser director, Sunny Deol-i, tebu Dharmendra aser jabaso Karan na den film ka nung danga shilem agitsüsa maongka angu nungbo kanga jungla, ta ashi.

Deol kibong nungi putu balala nung asobatem film ka nung külemi shilem agitet nung junger majung asütsü ta asüngdangdsang, pai, “Koda sür majungtsü ? Noklang nung noklang junger asütsü. Ajakji otsü dak keta lir kechiba süra onok ajak kanga meranga inyakertem lir. Ajisüaka onoki film yanglutsü aliba otsüji memeimra ajibo tera tasak,” ta langzü.

“Ni onok külemi film ka nung shilem agitsüji kanga jangrar,” ta pai shisem.

“Ghayal Once Again” film nung Dharmendra mesüra Karan na shilem agiba angutsü akok, ta Sunny-i ashi.

Pai, jabaso Karan 2016 küm mezüngsüa pai yangluba film ka nung shilem agidaktsütsü akok, ta ashi.

Karan dang langka temelenshitsü kar ashitsü asü, ta asüngdangba mapang Sunny-i, “Onoki shinga danga yamai süang ta mashir. Pa onok ajak den ki ka nung aien anungji pai koba inyaktsü aser koba meinyaktsüar ajak meteta lir,” ta langzü.

“Tebo ka ama parnok nüngdakba ajak nung ni ozü tanur meranga nungiter. Ni pa dang teti nai jangraba inyakang ta ashir, kechiba süra nia ni jangraba inyak aser taküm kaji yamaji alitsü nüngdaker,” ta pai ashi.

“Ghayal Once Again” ya February 5 nü sayatsü.