Sunny Leone-i cancer agi shirangertem atema senotsü bendentsür

New Delhi, January 28 (Agencies): Bollywood actress, Sunny Leone-i cancer tashidak agi shiranga alirtem atema senotsü bendentsütsü mapatong ka tenzükba osang angazükogo.

“Cancer tashidak agi shiranga alirtem atema senotsü bendentsütsü tenzüka lir aser iba mapatong ya taruba February 4 nü tashi agitsü alizüng yua lir,” ta arishi küm 34 tain Leone-i Twitter ajanga lemsatep.

“Ni yokba tweet tanaben tweet süshiba ajanga cancer tashidak agi shiranga alirtem asoshi senotsüji bendentsütettsü. Anungji, ajaki pei kinünger aser medemertem den iba osang lemsateptsü mepishir,” ta ‘Ragini MMS 2’ film nung tongti shilem agila, Leone-i metetdaktsü.

Leone-i tesüsa shilem agiba ‘Mastizaade’ film-a tan hopta tatembanglen sayatsü renema lir.

Kasa film nung Vir Das, Tusshar Kapoor, Suresh Menon aser model Gizele Thakral nungeri shilem agia lir.