Los Angeles, January 09 (Agencies): Pop star Beyonce-i Coldplay telok den aroki Super Bowl 50 Halftime Show sentong nung taruba February ita shilem agitsü renemogo.
“Britain nung tentetba rock kentener telok, Coldplay-i California kübok Santa Clara nung taruba February ita 7 nü agitsü ayongba sentong nung tongti shilem agitsü aser R&B star, Beyonce-i par telok den yarisemtsü sentong renema lir,” ta Entertainment Tonight-i osang jangjashitsü.
Pepsi teloki senotsü teyari agüja iba sentong nungitba osanga jangjaogo.
Coldplay teloki tesüsa adokba kensep, ‘A Head Full of Dreams’ nung densemba ‘Hymn for the Weekend’ ken nung shilem agia Beyonce-i par telok yarisema lir aser tan ayongba sentong nunga ‘Crazy In Love’ kentenla, Beyonce-i kasa ken atentsüren nung yarisemtsü renemer lir.
Beyonce-i taoba mapang, 2013 nunga Super Bowl sentong nung shilem agia lir.
You must be logged in to post a comment Login