Super Tuesday: Hillary o Trump nati temaba jenjang angur

Washington, March 02 (Agencies): US kübok tentetba tongti state ishika nung agiba US Tir menden asoshi candidate shimtsü Super Tuesday sentong nung Democratic yimtenren telok nungi Hillary Clinton aser Republican telok nungi Donald Trump nati temaba jenjang anguba osang jangjaogo.

Taoba US Secretary of State, Hillaryi Tennessee, Alabama, Georgia, Arkansas, Virginia, Texas aser Massachusettsü state-tem nung temaba jenjang anguba aser tanüngba Vermont, Oklahoma, Minnesota aser Colorado state-tem nung la den tokteper, Democratic socialist, Sanders-i takok ngua liasü.

Ano, Republican telok nungi Trump-i Arkansas, Georgia, Alabama, Tennessee, Virginia, Vermont aser Massachusetts nunger nung temaba jenjang anguba aser pa den teoktepsang, Senator Ted Cruz-i Oklahoma aser Alaska na nung takok anguba osang jangjaogo.

Florida Senator, Marco Rubio-ia tan mezüngsüa temaba jenjang ngua, Minnesota state nung vote timba anguba osang bushitetogo.

“America linük kechisarena shilem ajunga nung tajungtiba kümdaktsütsü nangzüker,” ta Hillary-i tan agiba tongti primary sentong nung takok anguba sülen la pusemertem dang nangzüka liasü.

“Tan agiba Democratic aser Republican telok na nungi US Tir menden atema candidate shimtsü sentong ya Tir tasenba shimtsü dang masü saka asen America ajunga tajungba küma melenshitsütsü nükjidong nung agiba tongti sentong ta ajaki angatettsüla,” ta Sanders-ia sangoktsü.