Supermodel Gisele Bundchen-i Olympics nung shilem agitsü

Rio de Janerio, July 24 (Agencies) : Rio Olympics nung kanga dang tongti shilem agirtem rongnung Brazil nunger supermodel Gisele Bundchen asütsü.
Arishi küm 35 tain Gisele-i yaküm modeling toktsür ta osang sangoktsü aser Olympics opening ceremony nung lai shilem agitsü osang angazüker.
Rio nung aliba Maracana stadium nung Gisele-i Ipanema nungi Tetsür ka ama shilem agitsü aser iba mapang lai Brazilian musician Paolo Jobim-i Bossa Nova atemba nung tsüngsangtsü.
Victoria Secret indang model Giselle den tsüngsanger 6,000-i shilem agitsü aser parnoki ‘the evolution of the people of Brazil’ benjungtsü.
“Asayamung lapokba sentong nung tetsürtemi samba tsüngsangtsü” ta Olympics nung maparen nung densemer kati ashi.
Gondha asem tashi agitsü aliba sentongji koma agitsüar yimjak nung ano memetetdaktsüi lir aser stadium nung rehearsal agidanga prangpong amba sepaitemi kanga junga nüka nisung shinga telungi meidaktsür.
Osang angazükba Brazil nunger footballer mongin Pele-i Olympic flame tsüklokja Games tenzüktsü.
Olympic opening ceremony ya August 5, 2016 nü agitsü aser alima nung nisung billion ka shi kati TV nung reprangtsü imlar.