Süpokrem meshia agiba atema Treasury officer ka apu

Guwahati, May 20 (Agencies): Hombarnü police-i Guwahati nung treasury officer ka apu. Senotsü timi mamshiba ken o ka nung ajemdaker ketdangserji apu.
Iba nisung ya Amarendra Sarma lir aser pa ya Karbi Anglong district kübok Diphu nung treasury officer inyaker. Dispur police-i yaria Diphu police-i tanü Choudhury Tilla nung Sarma apu.
Taoba ita Diphu treasury office nung Sarma indang chamber nung locked drawer ka nungi police-i Rs 5, 56,100 yua aliba apu.
District magistrate aser Directorate of accounts & treasuries ketdangsertemi mita aodang senji apu.
Additional SP Indranil Baruah, magistrate Norsing Bey, Directorate of accounts & treasuries nungi Romen Chakraborty aser Dispur nung amenoka aliba senior FAO (PCCF) Sarat Teron nungertemi Diphu treasury office nung takdang ajak mita ao.
Diphu treasury office nung treasury officer aser staff temi sorkar mapa inyakertem aser contractor tem dang nungi süpokrem meshiba atema taoba mapang Karbi Anglong Deputy Commissioner Mukul Kumar Saikia-i FIR ka benoka liasü.
Osang angazükba agi treasury officer jagi mapatong ka atema contractor tem dang süpokrem meshi. Iba atema pai Rs 288 crore jungnüa süpokrem meshia agi.