Supply Director-i metetdaktsür

Dimapur, May 10 (TYO) : National Food Security Act, 2013 (NFSA) sentong ajanga tajangzük angutsü purtem aser ano tang agüja aliba AAY ajanga tajangzük angurtem ajaki pei meyong Aadhaar card /Aadhaar number photo copy kaka NFSA Ration Card-Priority Household (PHH) agütsüba mapang pei pei district nung agüjang ta Food & Civil Supply Director, Wb.Alun Hangsingi metetdaktsüogo. Iba atemaji jelia sangdong nung metetdaktsütsü ta paisa ashi.
Aadhaar card malirtem atema pa mesüra la tenüngji Aadhaar card meshitsü atema tenüng agütsür alitsüla aser iba tenüng agütsüdang agütsüba numberji amshia atatsü. Iba maparen nung tali tejangjaba metettsü asoshi department meyong website http://fcs.nagaland.gov.in nung reprangdangtsü akok.