Supreme Court-i highways nung yi dokan shibangtsü tetuyuba magiener

New Delhi, March 31 (Agencies): Supreme Court-i national aser state highways nung yi dokantem shibangtsü atema tetuyuba agüja aliba agientsü memulunger, ajisüaka nütsüng 20,000 dang nungi tajemba aliba tesemtembo iba ozüng küboki maittsü lemtetogo.
SC-isa National aser state highways nung metre telongtet 500 tashi nung yi dokantem shibangtsü tetuyuba agüja liasü saka iba tasazükji metre 220 tashi ajema kümtsüogo.
Chief Justice JS Khehar-i aniba bench-i, yi jemer gari aniba ajanga lendong atalokba nung ajemdaker iba tetuyuba agutsür, ta metetdaktsü.
SC-isa, Telangana nung yi dokan licences ji Sept. 30 tashi mela aser Andhra Pradesh nung June 30 tashi melaogo.
Yaküm December ita nung SC-i obendang agutsüba apibo asüng (April 1) nungi National aser State highways nung yi dokantem shibangtsüla.