Supreme Court-i- Kashmir tensa osang meshi

New Delhi, July 29 (Agencies): Hokolbarnü Supreme Court (SC)-i Solicitor General,  Ranjit Kumar dang Kashmir Valley tensa osang meshiogo.
Chief Justice T S Thakur, Justice A Khanwilkar aser Justice D Y Chandrachud nunger bench-i temepishiba benoker, Jammu and Kashmir National Panthers Party (JKNPP) dang, “Court proceedings nung nenoki yimtenren ajangzüktsü atema mebushitsüla. Nenoki yimtenren tajangzük bushira onoki temerenshi tulu agütsütsü,” ta shiogo.
Chief Justice, Thakur-i iba o ya Jammu and Kashmir National Panthers Party tongti, Bhim Singh dang ashi.
Tamalen JKNPP-i temepishiba ka ajanga, Kashmir nung tzüzüng-ozüng mali, anungji state nung Angh yimsüsüba benoktsüla, ta shia liasü.
Kashmir nung security sepaitemi Hizbul Mujahideen commander, Burhan Wani kahsetba sülen July 9 nü nungi tenzüka nüburtemi longkak aika sepai den raradang sepai ana densema nisung 50 tashi süogo.